Fiksie

Afstande is n aksiebelaaide reisavontuur vol ontdekkings, uiterste ervarings en hand-tot-hand-gevegte, dit is 'n verhaal van verraad en broedermoord ....

The year is 1832 and the Cape is rife with rumours about the liberation of slaves. Philida is the mother of four children by Francois Brink, the son of her master. Francois has reneged on his promise to set her free and his father has ordered him to marry a white woman from a prominent family, selling Philida on to owners in the harsh country in the north. Unwilling to accept this fate, Philida tests the limits of her freedom by setting off on a journey. She travels across the great wilderness to the far north of Cape Town - determined to survive and be free. This title is longlisted for The Man Booker Prize 2012.

“Jy is te naby aan die water,” fluister Paul. “Babers slaap in die modder. Hulle sal wakker word as jy op hulle trap.” Paul en Dominique se sorgelose kinderdae op ’n Vrystaatse plaas is vir ewig verby wanneer hul ouers se linkse politiek die skoollewe op die dorp onmoontlik maak. Hulle word weggestuur na kosskole in Natal. Paul is ’n belowende jong digter, sy suster sy vertroueling. Maar Paul is vol woede en sy ontwaking word ’n afwaartse spiraal. Hulle vlieg London toe om die bedrukking van Suid Afrika te ontsnap, maar hy gaan ook sy dood tegemoet. Dominique Botha se roerende debuutroman is ’n elegie vir die lewe van haar kleintyd en haar verlore broer. Die boek is op ware gebeure gebaseer.

Op 'n dag staan Gert Afrika met die kleuter op sy arm voor die agterdeur van die gegoede blanke boer. "Ek kan nie lat sommer enigiemand na my kind kyk nie, baas! Baas ken die spul! Dis heeldag dronknes en messteek...Sy's al wat ek oorhet van my eie, baas! Kyk net watse mooie kind is sy!" En so word die driejarige Mina Afrika die aanneemkind van die kinderlose Erik en Sara de Graaff. Hulle wil haar graag 'n kans in die lewe gee, haar fyn opvoed. Hier is Mina se storie, die suksesvolle debuutroman van Zuretha Roos. Oor die boek se Riana Scheepers: "Die verdwyning van Mina Afrika is eerstens (en laastens) 'n wonderlike storie. Dit is 'n verhaal met 'n verlossende, gelukkige einde; dit is vol menslike deernis; dit betrek die oer-temas en vraagstukke; dit teken 'n lewendige prentjie van 'n amper vergete Distrik Ses; dis deel van ons kollektiewe geheue - 'n boek wat alles het waarna die Afrikaanse leser dikwels vra." Lees ook die opwindende vervolg: Die tuiskoms van Mina Afrika.

Pragtige Nelia word deur sakeman Boris de Beuck verkrag. Maar skielik is daar sprake van 'n video wat glo bewys dat Nelia vrywillig betrokke was. Woedend besef sy dat magtige Magda, Boris se ma, agter die skerms konkel. Nelia neem reg in eie hande en as IT-spermuur spesialis, sit sy met 'n dodelike troefkaart. Ook kry sy hulp van vreemdeling Retief Boshoff wat vermoed dat haar saak verband hou met 'n voorval uit die tweede Vryheidsoorlog, 111 jaar gelede. Moeksie, Retief se grootouma, was toe ook 'n slagoffer van 'n verkragting. En die verdagte? Sep de Beuck, Boris se grootoupa. Om alles te kroon, was Sep 'n joiner wat openlik met Kakie geheul het. Maar daar's 'n kinkel. 'n Kakie-soldaat was daardie stormagtige nag ook op die plaas en Moeksie kon nie haar aanvaller eien nie. Al wat sy in die weerlig kon sien, was iets soos 'n geboortevlek op die man se maag. Op soek na die man met die vlek, delf Retief en Nelia diep in die twee families se voorgeskiedenis; vanaf die oorlog in 1902, via die gewapende stryd van Umkhonto We Sizwe in die 70's, tot en met die Kerkstraat-bomaanval in 1983. Retief skryf verbete aan sy familiegeskiedenis, onder andere oor die Boshoffs se eed om wraak op die De Beucks te neem. Nelia besef Retief sit in sy eie manuskrip vasgevang en vermoed dat dit die einste eed is wat hom so in die verlede hou. Daarenteen het Nelia, as weggooikind, geen idee wie haar voorsate is nie.

Helmuth Gunther, die aantreklike baas van Gunther en Vennote, styg met sy Cessna net buite Reniersburg in die Karoo op. Hy is opgewonde om 'n grondtransaksie in die Weskus te gaan beklink. 'n Verskriklike windstorm laat sy vliegtuig egter neerstort in 'n bloekombos. Die harde kopstamp wat Gunther opdoen, vlek die donker gange van sy jarelange geheueverlies oop. 'n Dramatiese reddingspoging laat hom in Reniersburg se hospitaal uit sy bewustelose toestand wakker word waar sy staatmakersekretaresse, Lanie de Wet hom besoek. Langs Gunther se hospitaalbed loop sy haar egter vas in allerhande onthoubeelde wat by Helmuth begin opkom en sy begin besef...die man op wie sy verlief is, is dalk iemand anders. In hierdie tyd is inspekteur Leander Fourie, die nuwe bevelvoerder van Kransbaai se polisiestasie, juis besig om al die onafgehandelde dossiere van sy voorganger, deur te werk. Toe die briewetas van Helmuth Gunther uit die Cessnawrak gehaal word en sy identiteit plus 'n vroeere foto van hom daarin gekry word, wek dit die speurinstink by inspekteur Fourie teen 'n spoed op. Want in een van die onafgehandelde dossiere le daar 'n identiese foto wat net 'n jonger weergawe is van die bloekombos se slagoffer. Dis egter 'n foto sonder die wondmerke aan die gesig en onder 'n ander naam. Hoe onvoorspelbaar, hoe diep en hoe lank kan 'n stormsee sy geheime bewaar?

Hierdie is 'n buitengewone en onvergeetlike roman oor 'n uiters ongewone en niksvermoedende held.

Die dooies is nie onder die aarde nie. Hulle is in die geritsel van die bome." Hy kyk verras na haar. "Glo jy ook dat die dooies nooit finaal gesterf het nie?" Sy antwoord nie. Dit is nie waaroor sy vanaand wil gesels nie. Sy is al vir dae besig met die dooies. Sy wil net weer 'n slag perspektief kry. Helder dink. Hanna Bagiano is in twee verdeel toe sy meegedeel word dat sy dringend na Engeland moet reis. Haar ouma, Maryna Lourens, het afgesterf en die prokureursfirma in Londen moet Hanna se identiteit verifieer voordat hulle haar ouma Maryna se boedel kan afhandel. Hanna wou nog altyd reis, maar nou word hierdie reis betaal deur die ouma wat haar as kleinkind ontken en verwerp het. Die ouma wat gese het sy is nie 'n Lourens nie. En boonop sit sy met haar ouma Maryna en oumagrootjie, Sophie Lourens, se dagboeke. Toe sy dit begin lees, kom spook die verlede by haar: ou geraamtes klim uit die kas en Hanna kom te staan voor die Lourensvloek wat van nageslag tot nageslag oorgedra word ...Sal sy dit kan vryspring? Of sal die noodlot en die vloek ook haar en haar nageslagte tref? Alhoewel dit aanvanklik moeilik is, gee Hanna gehoor aan haar ouma se laaste versoek: Sy begin terugloop op die spore van haar voorgeslagte. Sy maak haarself ontvanklik vir die stemme van die verlede met die hoop dat sy die geheime van haar eie verlede sal kan ontsluit. En dalk, net dalk, vind sy self geluk wanneer sy die wense van die wat voor haar was, vervul. Commendatio deur Leti Kleyn: "Die leser word so gemaklik in Die dooies leef ingetrek, dat jy nie eers sien die bladsye raak minder en die einde kom nader nie."

Vida se beste vriend staan uiteindelik op trou. Maar as hy hom lewenslank wil opsaal met ’n meisie wat in alle opsigte die Barbie-model ’n treetjie voor is, is dit sy saak. Dit is wel hinderlik dat sy as “best woman” ’n tuxedo-aandrok moet dra en alles wat daarmee saamgaan om die verloofde gelukkig te hou. Ook die feit dat hulle haar met die verloofde se broer wil afpaar. Maar net vir die troue en net vir haar beste vriend is dit ook seker nie te veel gevra nie. En die man is regtig ’n vangs, as sy nou eerlik wil wees.Terwyl haar beroepslewe as argitek ook ’n onverwagte trap of twee styg en sy daarmee probeer tred hou, doem ander komplikasies op: haar ewig onvergenoegde ma, haar immer swerwende pa, ongeoorloofde affairs begin aan die orde van die dag lyk, ’n ramparty haak ampertjies uit en ’n naweek in die Bosveld het rampspoedige gevolge.As daar ooit ’n moontlikheid was dat Vida se beste vriend eintlik die liefde van haar lewe is, is dit nou te laat. Die strykkwartet speel al die troumars, letterlik. En Vida se sin vir humor is meestal al wat haar staande hou.IMPORTANT NOTICE: Before you add your item to the cart please register. This will give you login details and you will enter our 3d secure system for the shopping cart. To register see MY ACCOUNT in the top menu bar.

Seker die mees bekende is: TERT SE KERSFEES STORIEEk brand al van lankal af om hierdie storie te vertel, maar ek het uitgehou tot nou toe. Merkwaardig, al moet ek dit self sê. As ek 'n storie hoor, dan moet hy vertel word, maar hierdie een moes ek mee wag.

Die aand toe Alet op Karibib aankom, bereik haar lewe ‘n nuwe laagtepunt. Daar was ‘n paar. Haar pa se siekte, haar loopbaan wat agterweë gebly het, nog ‘n mislukte verhouding. Dis moord om weer haar pad te vind. Letterlik.The night Alet arrives at Karibib, her life reaches a new low. There have been a few other lows. Her father’s illness, the career she gave up, yet another failed relationship. It’s murder trying to find her way again. Literally.

Op ’n stil aand, in ’n herehuis langs ’n meer, dans ’n jong vrou in ’n verruklike rooi aandrok met haar werkgewer, Arthur Addington – befoeterde, eens beroemde Amerikaanse draaiboekskrywer en onbeminde eienaar van die Addington-landgoed.Nooit sou Arthur, worstelend met skrywersblok en wroegend oor die dood van sy vrou en kind, kon raai dat sy stralende dansmaat soveel geheime ronddra nie. Dat Anabella Maria Bennett, kortom Ben, g’n huishoudster is nie, maar ’n joernalis en ’n sendelingdogter uit Afrika. Dat hy haar lank gelede dáár ontmoet het . . .Daar is ’n somber rede waarom Ben haar hart nie blootlê nie, maar eerder saans haar eie verhaal skryf: van die Swahili-wiegelied wat haar kleintyd getroos het, die wyse Kepo wat haar leer boogskiet het, van Paka, haar grootmaakleeu, en van haar en Kepo en dokter Catherine Dumay se ylingse vlug na Bulungwi . . . Slegs Jameson, opsigter by Addington, en sy “Lucy-lief’’ begryp. Hulle word haar vertrouelinge en wakende engele.Wanneer Arthur gehawend terugkeer ná ’n reis deur Afrika, vind hy in sy lessenaar ’n manuskrip wat sy lewe sal verander en hom sy skeppende krag teruggee: Anabella se Afrika-testament.Die Skrywer is ’n aangrypende, eg menslike verhaal met dramatiese Afrika-uitlopers. Met groot deernis maar ook met salwende humor deur Esta Steyn geskep.