Drama

“Waar die bloukopkoggelmander sit, daar lê die vrou tevrede,” lui ’n Boesmangesegde. So simplisties is die liefde egter nie, dit is “bliksem sonder weerga”. Met die Kalahari as milieu loop Koggelmanderman op die gifspoor van jaloesie, besitlikheid, seksualiteit, vertwyfeling en impotensie in die fyntuin van die liefde. Fourie is die mees gepubliseerde en mees bekroonde dramaturg in Afrikaans. Gereelde teatergangers het sy dramas leer ken as toeganklik vir die kundige sowel as die minder gespesialiseerde teaterliefhebber. Daarbenewens is hierdie drama ’n verkwiklike leeservaring. Koggelmanderman is bekroon met die Nagtegaal/Klein Karoo Nasionale Kunstefees-prys vir nuutgeskrewe verhoogtekste.