Stories Met Stertjies – Corlia Fourie

Aspoestertjie skilder met houtskool, die gestewelde kat faal in sy plan om sy nooi ryk te maak en die slapende skone is effe ongeskik wanneer sy in haar slaap gesteur word. Boonop verander ‘n padda nie altyd in ‘n prins nie. In hierdie ietwat ongewone bundel word bekende sprokies van Grimm, Anderson en Perrault herskryf om ‘n meer realistiese wereld van prinse en prinsesse te skep – met skreeusnaakse gevolge. Die herskeppings word tesame met die oorspronklike weergawes geplaas vir dubbele leesgenot. Vir lesers van alle ouderdomme.